Адкрыць душу — як у спевах, зліцца ў руху — як у танцы… І атрымаць гэта ўсё разам. Магчыма? Вядома, калі на сцэне — Беларускі дзяржаўны акадэмічны заслужаны харэаграфічны ансамбль «Харошкі». Характары герояў абмалёўваюцца скрупулёзна, сэнс мае любы танцавальны эпізод, гармонія рухаў узнімае на крылах… Вось ужо 45 гадоў ансамбль адданы сваёй галоўнай ідэі — натхняць танцам, дорачы высокае мастацтва.
