14 студзеня 2024 - 50 гадоў з дня заснавання ансамбля "Харошкі"
14 студзеня 2024 - 50 гадоў з дня заснавання ансамбля "Харошкі"
Унікальны камерны праект на аснове старажытнай беларускай музыкі, створаны сумесна з артыстамі беларускай оперы, напоўнены рамантыкай і тонкай пачуццёвасцю, падорыць вам сустрэчу з яркай эпохай барока!
У праграме прагучаць творы са зборніка музыкі “Полацкі сшытак” – каштоўнага дыямента нацыянальнай культурнай спадчыны. Знакаміты харэаграфічны спектакль ансамбля “Харошкі” “Па старонках Полацкага сшытка” ўваходзіць у “залаты фонд” калектыву і з’яўляецца адной з яго візітовак.
У “Каханні спрадвеку” ў цэнтры ўвагі - музыка і адзін з найпрыгажэйшых музычных інструментаў – жывы чалавечы голас.
Вы атрымаеце сапраўдную асалоду ад непаўторных старажытных канцонаў – мілагучных і напеўных, лірычных і гарэзлівых, напоўненых любоўю да жыцця і пяшчотай. Простыя, але адначасова такія вытанчаныя абароты старадаўняй беларускай мовы нікога не пакінуць абыякавым.
Разам з камерным аркестрам “Харошак” на сцэну выйдуць знакамітыя артысты Вялікага тэатра Беларусі – зоркі беларускай оперы Алена ЗОЛАВА (сапрана) і Юрый ГАРАДЗЕЦКІ (тэнар), бясконца захопленыя гэтым музычным матэрыялам. І, безумоўна, у праграме “Каханне спрадвеку” вы ўбачыце харэаграфічныя нумары – пад чароўную музыку шляхетныя дамы і кавалеры створаць на сцэне асобую атмасферу той далёкай эпохі.
Аўтары ідэі – мастацкі кіраўнік “Беларускай капэлы” Віктар СКАРАБАГАТАЎ, заслужаны артыст Рэспублікі Беларусь, і мастацкі кіраўнік акадэмічнага ансамбля “Харошкі” Валянціна ГАЯВАЯ, народная артыстка Беларусі.
Чакаем вас 28 чэрвеня ў Мінску (малая сцэна КЗ “Мінск”) і ў Гродна 30 чэрвеня (сцэна Тэатра лялек). Пачатак а 19-й гадзіне.
Новая праграма ансамбля “Харошкі” “Каханне спрадвеку” абавязкова падорыць вам вялікае эстэтычнае задавальненне і рамантычны настрой!
Даведкі і замова квіткоў БЕЗ КАМІСІІ па тэлефоне +375 25 744 51 20 (Life, Viber)
Таксама квіткі даступныя па спасылцы: https://www.kvitki.by/rus/bileti/muzyka/ansambl-horoshki-334586/