У зале панавала асаблівая атмасфера цяпла, святла, дабра і бясконцага гонару за такіх таленавітых і працавітых выхаванцаў студыі. Малайцы, хлопцы! Так трымаць! Дзякуй вам за працу!
У фінале канцэрту гучалі бурныя апладысменты ў адрас выхаванцаў студыі, артыстаў "Харошак", а таксама стваральніка і нязменнага мастацкага кіраўніка Беларускага дзяржаўнага акадэмічнага заслужанага харэаграфічнага ансамбля "Харошкі", народнай артысткі Беларусі, лаўрэата Дзяржаўнай прэміі Рэспублікі Беларусь Валянціны Іванаўны Гаявой, выкладчыкаў дзіцячай студыі пры ансамблі "Харошкі Алены Мікалаеўны Багданавай, Таццяны Анатольеўны Рубчэні, Таццяны Сяргееўны Аўдзеюк.
Нізкі вам паклон за тое, што перадаеце выхаванцам студыі не толькі высокае майстэрства, але і традыцыі, і фірмовы стыль "Харошак", і бясконцую любоў да народнага танца!
Дзякуй вам, дарагія бацькі, за тое, што з малых гадоў далучаеце вашых дзяцей да лепшых традыцый музычна-харэаграфічнай культуры!
"Харошкі" ад усёй душы жадаюць усім моцнага здароўя! Да новых сустрэч, сябры!
